المنتخب الوطني : ياك الاسود أنقرضات ، آجيو نديرو حمير الأطلس !

قاليك المنتخب الوطني !! والله ما تيحشمو، وجوهم مقزدرة ، انا بعدا ما عمري شفت شي منتخب وطني كل لعّابْ فيه تيهدر بلغة ، هالبرطقيزية ، هالدنماركية ، هالهولاندية ، هالفرنساوية ، هالسباليونية ، إيوا هذا راه ولاّ منتخب " بقية العالم " ، ماشي المنتخب المغربي ، شوفوا غير ف النشيد الوطني ، وَ غير كتبدا الفرقة النحاسية ف تقرقيب الجوالق دياولها، كيبداو السبوعة مساكن ف نديغ المسكة حيث حتى واحد فيهم ما حافظو ، انا بغيت نعرف حاجة وحدة غير ملي تيكونوا ف الملعب كيفاش كيتواصلو مع بعضياتهم ؟ و كيفاش تيقدر يشرح ليهم المدرب الخطة ديالو ، وايلي زعما غادي يكون تيهدر بكاع اللغات ديال اللعابة اللي ف المنتخب ، ما نظنش !! ، و حتى ملي تيسجلو شي بيت تيبانو كل واحد كيفرح بلُغتو ما كيفرحوش بلغة وحدة ، و هذا طبيعي حيث ما زايدينش وما كابرينش ف المغريب ، وحتى ملي تيخسرو ما تيبانش عليهم شي أسى ولا شي حزن كبير، تيبانو ليك بحال يلا مقلقين غير على البريمات دياولهم ، اما النتيجة ما يهمش كل واحد داير والْـكمان ولا " إم بي طروا" ف وذنيه وما مسوقش خوك ما راهش هنا. و موت أنت بالفقصة يا الجيلالي.

الحمير ديال بصح ذات الدم المغربي الاصيل عيات مسكينة ما تنهق من بعد نكبة غانا بغينا الزاكي بغينا الزاكي بغينا الزاكي ، ولكن لكيادر ديال الجامعة دارو براسهم بحال يلا ما تيسمعوش ومشاو جابو فرنساوي من بعد ما كانوا اقالو فرنساوي واحد آخر.ودبا من بعد نكبة الغابون والهزيمة النكراء للمنتخب تشاورو مع بعضيتهم وقالو آجي آش نديرو ما نديرو ، نخرجو من سفينة سيدنا نوح ونخليو اللي بغا يغرق..يغرق و الله لا يفكو.

واش تيصحابليهم حنا غير حمير وصافي را ما تنفهمو والو ، زعما بغاو يقولبونا ، و حنا راه عارفين وعايقين بالخطة الإبليسية ديالهم ، علاه شكون اللي تيقدر يشوف الشياطين من خير لحمير !!! القضية وما فيها ان الجنرال اشارو ليه لمشاورية دياولو و فتاو عليه واحد الراي ، قالو ليه السفينة غارقة غارقة ما كاين امل احسن حل هو نديرو جمع عام وما ترشحش باش فاش يخسر المنتخب مع الكاميرون ما يلقاو الحمير المغاربة ف شكون يشدو ولا شكون يلومو ، وحتى يلا بغاو يلومو الفاسي الفهري غادي يقوليهم انا عاد جيت ، هادي مخلفات بن سليمان ، ولكن دبا تنواعدك بالاصلاحات و ان شاء الله من هنا لـ 2025 نجيبو كاس العالم. " إيوا تسناو الزبدة من حليب الكْرَم "

المشكلة ماشي ف الجامعة ولا ف المدرب ، المشكلة الكبرى هي غياب الحس الوطني ، ماشي غير ف الرياضة ولا الكورة ولكن ف كاع الميادين ، والكيادر اللي شادين المسؤوليات يـَشْحَجُونَ بلغات ليست مغربية وقلوبهم تخفق لأعلام غير العلم الاحمر ذو النجمة الخماسية الخضراء .

أنظرو معي المفارقة ، في الماضي كان الرومان ينقلون الأسود من شمال إفريقيا إلى روما بأقفاص مغلقة تماما و يسجونها لأيام عديدة بلا طعام لتصبح أكثر شراسة ومن ثم يطلقونها على المجالدين و المجرمين المحكوم عليهم بالإعدام ، ودبا اصبح العكس قاليك ولاو تيجيبو اسود الاطلس من اوروبا والبلدان الباردة وتيعلفوها مزيان سوا بالقص سوا بالحبة ، باش كتولي عندهم الطراوة البدنية والليونة الأنثوية واللي جا ينيكهم ويديرو ليهم . كون غير دارو خير وبدلو الرمز ديال الاسد بالحمار بعدا حنا على الاقل معروفين بالفحولة والذكر المثين و الباع الطويل ف النيك والتدرديك.

ولا كون يسعفونا كون يجيبو غير اللعابة ديال فرق الاحياء و لا الهواة ولا البطولة الوطنية ، و يديرو ليهم شي مدرب مغربي على قد الحال وبلا مضيعة ديال فلوس الشعب ، و هانية ديك الساعة واخا يخسرو ما يبقاش فينا الحال ، المهم غادي نكونوا عارفين بلي هادوك فراقشنا اللي خسروا ماشي فراقش بابا نويل ، وكيف تيقول المثل اللي ضرباتو يدو ما يقول آح..والله ما نقولو آح..

إن أجمل الاصوات ( الإنتخابية )....لصوت الحمير !!

إقتربت الإنتخابات و دنت منا دنو الساعة ، لتعود معها حمى الحملات للإشتعال مرة أخرى ، ولترتفع أسهم الإبتسامات على وجوه المسؤولين ببورصة الحمير بعد أن كانت قد أفلست طوال الخمس سنوات التي مضت ، ليصيرو جميعهم ، فجأة وبلمح البصر ملائكة تحلق فوق سماء المغرب ، فترى هذا منكرٌ وذاك نكير ، والسؤال من مرشحك و ما رمزك ؟ على غرار الملاكان اللذان يحاسبان المرء في قبره بذات السؤال الكلاسيكي من ربه ومن نبيه، و ترى اصحاب البطون قد هبو من كل حذب وصوب حتى تكاد تحسبه موسما لهجرة الإصطبلات المكيفة ، اصواتهما كالرعد القاصف واعينهما كالبرق الخاطف وانيابهما كالصياصى لهب النار في افواههما , ومناخرهما ومسامعهما , ويكسحان الارض باشعارهما ويحفران الارض باظفارهما ، ولكل رمز نبيٌ قد أتى ليُبشرالقوم ببرنامجه المقدس لنشر الرحمة و البركة بين الناس ، منادياً : أيا قوم إني لكم مبشراً وندير ، فصوتوا علي و إتبعوني ، تنزل الرحمة على إصطبلاتكم ، ويعرف العلف طريقاً لاضراسكم ، و أجعل لكم بكل شارع من شوارعكم سراجاً منيرا ، وطرقا معبدةً تغنيكم عن صفائح الأرجل ، و أمنح العربات المجرورة لابنائكم ، و أشيد حلبات الفروسية ، فتصيرون يا معشر الحمير بعهدي وحتى من بعدي ، خيولاً أصيلة معقود بنواصيكمُ الخير إلى يوم الدين.
إن أنكر الأصوات لأصواتكم ، لكنها بقدرة قادر تتحول قبيل الإنتخابات إلى الأجمل و الأعذب بين أصوات الخليقة، تطرب آذاننا لسماعها وسماع وقعها بالصناديق الزجاجية على وجه الأخص كأنها، نوتاتُ الـ : دو. ري. مي. فا .سو. لا. سي. دو ، تزفها لنا أوتار عود زرياب.
ومن المعلوم أن الحمير لهم دور محوري بالانتخابات عبر العالم ، ففي الولايات المتحدة مثلا الحمار هو شعار الحزب الديمقراطي الذي ينتمي إليه الرئيس الحالي "دا الحسين أوباما" ، وبالإنتخابات السابقة بأفغانستان بعيد الثلاث سنوات عن اطاحة نظام الطالبان " تم تجنيد حوالى 300 حمار لتوزيع المعدات اللازمة في العملية الانتخابية على المناطق الجبلية والنائية . وصرح المتحدث باسم الامم المتحدة حينها الميدا اي سيلفا في مؤتمر صحافي عقد في كابول "نحن نخبركم باستمرار عن الاشخاص المائة الف الذين سيعملون في يوم الانتخابات لكن دعوني اخبركم عن مجموعة اصغر بكثير ولكنها ليست من البشر وانما من المخلوقات الاخرى التي تعمل من اجل الانتخابات". أما في المغرب فالحمير لها دور أكبر لأن الدستور يمنحها الحق في التصويت و إختيار من تريده ليتولى مهمة الاشراف على مصالحها ، بل أكثر من هذا تتولى السلطات بنفسها زيارة الحمير بإصطبلاتهم النائية حاملة إليهم بطائقهم الإنتخابية وكأن لسان حالها يقول " الله لا يشقيكم ، علاش قالو تقريب الادارة من الحمير " ، وخلال موسم الإنتخابات يعرف الحمار المغربي أجمل ايامه ، فجميع الإصطبلات المكيفة يتم فتح أبوابها للعموم ، والعلف يتوفر بكثرة ، ومن النوع الجيد ، إلى درجة ان أغلب الحمير يتحولون من كائنات عاشبة إلى كائنات لاحمة ، ها الغنمي ، هالبقري ،ها بيبي ، ها الدجاج البلدي بالقوق ، ها الحلاوي هالبساطل ، هالطواجن ، يا سيدي أمصاب غير يدوز ليك .
وتكثر الوعود ، والعهود ،فهذا يُقسم بأغلض الايمان "والله ومشيت حتى نجحت راني نصيفط ولدك يجر الكوتشيات ديال مراكش "، و ذاك يتعهد في حال تيسرت الامور بتعيين جحش إحدى الحميرات اللواتي إشتغلن معه بالحملة مديرا للحلبة البلدية لسباق الخيول.
لكن بمجرد ما يتم المراد ويقضي سيدي ربي حوائجهم ، ترى كلام الليل يمحوه النهار ، وأن كل تلك الوعود كانت مجرد تلاعبات بأحلام المواطنين بل و بمشاكلهم وهمومهم وآلامهم ، التي أصبحت مجالا مباحا ، و ظهرا يمتطيه كل من يريد الوصول ، لتبقى دار لقمان على حالها ، لقمان ذاك الحكيم نفسه الذي قال موصياً إبنه : (( .. وَاغْضُضْ مِن صَوْتِكَ إِنَّ أَنكَرَ الْأَصْوَاتِ لَصَوْتُ الْحَمِيرِ..)) .

الحمدلله الذي خلقني حمارا سويا ولم يجعلني كيداراً محويا

الشذوذ ، الزملة ، سيدي علي بن حمدوش ، جبل زرهون ، مهرجان أجمل حمار، الشيعة ، للا عيشة مولات المرجة ، عيساوة ، حمادشة ، كلمات مفاتيح ولا شك ستقودنا لمحاولة البحث عن الخيط الناظم بينها ، فالشذوذ الجنسي أو الزملة لدى الذكور كما يُعرفه العامة من المغاربة هو عبارة عن هرش إستي مرده دويدة صغير بسبعة رؤوس تولد الرغبة لدى المصاب بها في إستقبال عضو صلب يُسمى القضيب أو الذكر كما يحلو للفقهاء تسميته ، وهاته الزملة ليست حديثة العهد فالتاريخ قد لنا لنا حكايا وطرائف عن مثقفين وشعراء اصيبو بداء الدويدة صاحبة السبعة رؤوس ، وحتى لا نبتعد كثيراً ، فحتى بطفولتنا و- إن كان أكثركم اليوم لا يريد تذكر ذلك - من منا لم يمر من مدرسة " النويبة" على إست المصاب بداء الهرش ، من منا لم يتقمص دور أبو نواس على "طرمة " صديقه الذي كان بالمقابل يلعب دور " الغلام " ، وعلى ذكر شاعرنا الذي يوصف بكونه شاعر الحب والمجون وعاشق مطاردة الديدان الإستية ، فإن بعض الروايات تتحذث عن كونه كان ينتمي للمذهب الشيعي ويستدلون بذلك بمسقط راسه إذ من المعروف أه ولد في أهواز من بلاد خوزستان جنوب غربي إيران سنة ( 145هـ / 762م ) لأب دمشقي حكمي وأمٍ فارسية اسمها جلبان ، والمصادفة الغريبة أنه للشيعة فعلا مواقف جد متسامحة مع عملية اللواط ، فبموقع الإمام السستاني حيث يعطي فتاوى للمستفسرين بعديد الاسئلة الدينية ، سيكتشف الزائر أن السيد السيستاني أدام الله " دودته " ، لا مشكلة لديه إتجاه اللواط و اللواطيين او الملوط بهم ، و شعاره في ذلك " اللي عـْطى زكـّو..الله لا يفكو " ، و مكمن الخلاف لدى مذهبه يتمحور حول " هل یجوز زواج الملوط من اخت اللائط به ؟ " و" هل یجوز الزواج من اخت الملوط به؟" وطبعاً فتوى الإمام الشيعي الذائع الصيت رداً على هاته الاستفسارات هي أنه وبحسب إجتهاده الفقهي" إذا لاط البالغ شرعاً بغير البالغ فأوقب ولو ببعض الحشفة حرمت علی اللائط أمّ الملوط واخته وبنته، ـ والاحوط لزوماً ـ ثبوت هذا الحکم فيما إذا کان اللائط غير بالغ أو کان الملوط بالغاً أو کان اللواط بعد الزواج باحدی المذکورات، ولا يحکم بالتحريم مع الشك في الدخول بل ولا مع الظن به أيضاً " ، وربما هذا ما قد يُفسر لنا الإقبال المنقطع النظير لبعض المغاربة على إعتناق ومعانقة المذهب الشيعي لأنه تلك المعانقة تمثل لهم إرتماءة بأحضان المتعة واللذة ، كشأن من يتنصر أو يتمسح لا حباً في عيون عيسى او مريم العذراء ولكن فقط ليستمتع بشرب الوسكي وملاطفة النساء دون أن يؤنبه ضميره أو يلومه فقيه مسيد حيه ، وإذا تمعنا بالموضع أكثر سوف نجد ان هناك علاقة ما بين سيدي علي بن حمدوش و احفاده المعروفون بحمادشة و بين التشيع والشذوذ ، فالمعروف عن الشيعة تعذيبهم للذات حزنا على مقتل الامام الحسين ولذلك يقومون بغرس السكاكين بخدودهم و " أزكاكهم " ، وكذلك يفعل حمادشة بالمغرب ايضا معتبرين أن ذلك نوعاً من الكرامات الخارقة الممنوحة لهم كأولياء صالحين ، قد نالو رضى الجنية المسماة للا عيشة مولات المرجة ، تلك المرجة الآسنة التي تفوح بروائح " الغائط " و " الريح " كلما حل موسم سيدي علي بن حمدوش هاته الشخصية المغربية التي جايلت لويس الرابع عشر غير أن هذا الاخير ترك أعظم منجزاته ، المتمثلة في حصن ( الأنفاليد ) في (باريس ) الذي قام بتشييده العام 1670 م ، ولم يترك موسماً خرافياً ، حيث كلما حل يطالعك الذكور من بني الكيادر يتقمصون دور هاته الجنية الخرافية الممسوخة "للاعيشة " فترى اصحاب "المَساطيش او المَساطيج " بقفاطينهم الملونة والمزركشة وهم يتمسحون بشجرتها المباركة يتحركون بدلال مسخ فلا هم بالرجال ولا هم بالنساء ، ويشير مصدر إلى أن بلدية مكناس زرهون التي تتولى تدبير شؤون هذا الموسم قد فوتت كراء الموسم في السنة الماضية لشركة خاصة بمبلغ 114 مليون سنتيم. ويذكر أن الصفقة تتيح للشركة التصرف في جميع الهدايا التي يأتي بها الزوار إلى الموسم. وكشف أنه في السنة الماضية أهدي لشجرة للاعيشة ما يقارب 1000 خروف و500 ثور و160 من الإبل. ويشترط في الإبل أن تكون من الذكور وذات الجمال، وحصلت الشركة على كل هذه الهدايا وأعادت التصرف فيها. و شخصيا لا افهم لماذا التركيز على فحولة الحيوانات المهداة ، ربما لتعويض النقص الحاصل في الهرمونات الذكورية طيلة ايام هذا الموسم ، او ربما هو نوع من الشذوذ الخفي فلا أستبعد ان تتخلل هذا الموسم ممارسات بين هؤلاء الشواذ والثيران او الخرفان ، فالشعار على كل حال هو" جميعا لاجل مغازلة دويداتنا" ، شخصياً و كحمار مغربي محترم يفتخر بفحولته وكبر "ذكره" وطوله ، يحز في تفسي ان ارى جبل زرهون المكان نفسه الذي يعرف تنظيم مهرجان ملك جمال الحمير ، و ملتقى ربيع الشعر ، وايضا حيث يتواجد مدفن مولاي ادريس الاول ومؤسس بلاد المغرب ، يتحول إلى مرتع للخرافة والدجل والمجون ، فالحمدلله الذي خلقني حماراً سويا ولم يجعلني كـيداراً محـْوياً.

حماركوم في كرواتيا

اشتهر زمن عيسى ابن مريم (عليه السلام) بالبراعة في الطب فجاءت المعجزة المؤيدة للسيد المسيح هي «االقدرة على مشافاة الناس».وسُمي عيسى ابن مريم بالمسيح كما يقول بعض المفسرين لأنه كان لا يمسح ذا عاهة الا برئ منها فسمى «مسيحاً».وجاء في سورة آل عمران الآية 49 «وابرئ الأكمه والابرص وأحيي الموتى بإذن الله...». وجاء في سورة المائدة الآية 110 «... وتبرئ الأكمة والابرص بإذني واذ تخرج الموتى بإذن الله».، هذه كلها نصوص صريحة تؤكد أن العبد الوحيد الذي خصه الله بقدرة مشافاة الناس بواسطة المسح ومنحه القدرة على إبراء الأعمى والأبرص و إحياء الموتى فقط باللمس هو نبي الله ورسوله عيسى بن مريم ، ولم يأتي بعده أحد خصه الله بهاتها المعجزات ، لتقتصر بعد ذلك عملية المشافاة و الإحياء عبر "كن فيكن" على الله تعالى ، كما في قصة حمار العزير التي نقلها لنا القرآن الكريم إذ قال تعالى فى سورة" البقرة":((أَوْ كَالَّذِي مَرَّ عَلَى قَرْيَةٍ وَهِيَ خَاوِيَةٌ عَلَى عُرُوشِهَا قَالَ أَنَّى يُحْيِي هَذِهِ اللَّهُ بَعْدَ مَوْتِهَا فَأَمَاتَهُ اللَّهُ مِئَةَ عَامٍ ثُمَّ بَعَثَهُ قَالَ كَمْ لَبِثْتَ قَالَ لَبِثْتُ يَوْمًا أَوْ بَعْضَ يَوْمٍ قَالَ بَلْ لَبِثْتَ مِئَةَ عَامٍ فَانْظُرْ إِلَى طَعَامِكَ وَشَرَابِكَ لَمْ يَتَسَنَّهْ وَانْظُرْ إِلَى حِمَارِكَ وَلِنَجْعَلَكَ آَيَةً لِلنَّاسِ وَانْظُرْ إِلَى الْعِظَامِ كَيْفَ نُنْشِزُهَا ثُمَّ نَكْسُوهَا لَحْمًا فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ (259) )) و أن عزير بعدما سيحيه الله بعد ماماته ليريه آية إحياء الموتى فيه أولا ثم في حماره الذي سيجده قد بليت عظامه وصارت نخرة. فنادى الملك عظام الحمار فأجابت وأقبلت من كل ناحية حتى ركبه الملك وعزير ينظر إليه ثم ألبسها العروق والعصب ثم كساها اللحم ثم أنبت عليها الجلد والشعر، ثم نفخ فيه الملك فقام الحمار رافعاً رأسه وأذنيه إلى السماء ناهقاً يظن القيامة قد قامت.
فذلك قوله {وَانظُرْ إِلَى حِمَارِكَ وَلِنَجْعَلَكَ آيَةً لِلنَّاسِ وَانظُرْ إِلَى الْعِظَامِ كَيْفَ نُنشِزُهَا ثُمَّ نَكْسُوهَا لَحْماً} يعني وانظر إلى عظام حمارك كيف يركب بعضها بعضاً في أوصالها حتى إذا صارت عظاماً مصوراً حماراً بلا لحم، ثم انظر كيف نكسوها لحماً {فَلَمَّا تَبَيَّنَ لَهُ قَالَ أَعْلَمُ أَنَّ اللَّهَ عَلَى كُلِّ شَيْءٍ قَدِيرٌ} من إحياء الموتى وغيره.وذهب بعدها على حماره إلى بيت سيدة عجوز كان يقطن بجانبها قبل مئة عام وأخبرها انه عزير وان مات واحياه الله فعرفت انه من الصالحين وطلبت ان يدعو لها الله ليرجع بصرها فدعى لها الله ومسح على عينيها فرجع إليها بصرها بإذن الله.

كل هذه المعجزات والظواهر إذن تؤكد بجلاء أن من يمتلك مثل هاته المعجزات يجب أن يكون نبياً رسولاً أو صالحاً من الصالحين و أنها معجزات لم يختص بها الله أحداً عبثا و إنما كانت تحديا منه جل جلاله بظروف خاصة و أحداث معينة ، ماشي بحال ظروف الصخيرات الشهيرة بإنقلاب 1972 واللي من بعد 34 سنة عليه غادي يبان السي المكي الذي يزعم أن سيدي ربي أعاره قدرته الإلهية و أعطاه تفويضاً موسعاً ليشفي الناس نيابة عنه وماشي غير بإذنه بل ليقوم مقامه ، السي المكي قاليك ما كيطلب فلوس غير قرعة ديال سيدي علي بـ 6 دراهم و قالب ديال السكر بـ 15 درهم ، وتيقول أنه كيستقبل عشرآلاف ديال البشر ف اليوم ، إيوا يلا عندك مع الماط ضربو 21 درهم فـ * 10.000 وشوفو شحال غادية تعطيكم 210.000 درهم ، يعني ما يعادل 21 مليون ديال السنتيم تيدخلها ف النهار مستغلاً جهل الناس وغبائهم ، وهذا يعني أن السي المكي يلا مشى على هاد المنوال غير عام واحد غادي يكون بإمكانوا يأسس شركة مختصة بقالب السكر و المياه المعدنية ، السي المكي ما كيداوي ما والو ، كل ما هنالك أنه طاح لينا على الجرح وقال هاد المغاربة غير حمير آجي نركب عليهم راهم يوصلوني فين باغي ، حيث أغلب المغاربة مراض و تيعانيو نفسياً وعندهم الإستعداد لتقبل أي شيء ، و هناك شيئ إسمه العقل الباطن والاستعداد النفسي للعلاج .. فاذا صدق عقلك الباطن انك ستعالج على يد هذا الشخص فأكيد انك ستعالج ليس لان هذا الشخص عنده بركة وانما لأن عقلك قد آمن به ، هاته الطريقة ليست جديدة فايت بزاف ديال الاطباء إستعملوها وباقين كيستعملوها مع المرضى ديالهم ، كيجي الطبيب عند لمريض تيقوليه شوف غادي نعطيك واحد الدوا غادي يداويك خلال 24 ساعة ن صافي العقل الباطن ديال المريض كيتقبل الفكرة وبسرعة كيصبح كيعتقد بداك الدواء وكياخدو وفعلا تيبرا وكيتشافى و غالبا تيكون داك الدوا عبارة عن حبة اسبرين او دواء عادي ولكن الاعتقاد القبلي والاستعداد القبلي هو القوة الكامنة بداخل كل حمار منا تجعلنا ننجح حينما نعتقد ونؤمن ونثق..بأنفسنا طبعا لا بالشيخ المكي، الذي صادفته مؤخراً بكرواتيا عندما كنت هناك لحضور مؤتمر خاص بحمير جنوب أوروبا ، السي المكي ما قدوهش لمغاربة وقاليك شاف رؤية ووقف عليه منادي ف منامو قاليه السي المكي يا المتكي هز عكازك وعليه وكـّي و شق بيه لبحر ودوز أنت وصحبك فأنت من المرسلين ، المرسلين إلى جهنم ولا شك ، طبعا هناك احد الاذكياء الصرب هو الذي إتصل بالسي المكي بعدما قام بدعاية موسعة له بكرواتيا و إتفق معاه باش يمشي لكرواتيا و بشره بالعالمية وقاليه راك غادي تدخل لعالم الشهرة من اوسع ابوابه ، على اساس انه ياكل ويوكلو معاه ، وبدا السي المكي تيعبز ف الحمارات والحمير الكرواتيين ، وكرواتيا و ياللأسف بلد جميل جدا وهادئ لولا قبح السي المكي اللي مشى يزيد يشوهنا ف كرواتيا اكثر ما احنا مشوهين ، أنا بعدا حتى يلا مشيت راني كنت مشارك ف مؤتمر دبال الحمير حول إنعكاسات الأزمة العالمية على ثمن الأعلاف ، أما هو باش مشى يمثل بلادنا ؟ بالخرافات والخزعبلات وبلا حشمى بلا حيا قاليهم تماك أنه تيعالج كلشي من بما في ذلك السيدا والسرطان ، إيوا هذا سيدنا عيسى ولاّ ماشي غير المكي الترابي..الصراحة والشهادة لله هو فعلا يستحق كرواتيا ولكن ماشي كرواتيا الدولة ـ وإنما بوليس كرواتيا الذين إنقرضو قبل سانتين كون كانوا باقين كانوا هما اللي يصلاحو ليه يجيو يهزو والديه ف صطافيطات ديال الكات كات زرقين ويديوهم يزرقو ليه داك لوجه الماسخ ودوك لعينين لمدليين..كون كان الخوخ يداوي..لخبار ف حمار كوم

حمار كوم و السيركيلاسيون

صعيب تسيركيلي ف الطرقان ديال المغريب ، كلشي زربان والعياذ بالله ، ماكاين لا صبر لا تيساع الخاطر ، ما تسمع غير طووووط طووووط طووووط ، و كل واحد باغي يوصل غير هو بوحدو الله يجعل السلامة والعافية ، الزحامات بزاف فين ما مشيتي هالطوبيسات ها لكاميونات هالطوموبيلات ها مالين البشكليطات ها مالين لمّاطر ، وزادو كملوها علينا بكرارص الشينوة حتى هما ، مصيبة وصافي ، انا بعدا ما بقيتش نقدر نخرج بلا كمامة تقهرت بالدخاخن والثلوث ، و يا ويـــلك تدوز من حدا شي طوبيسولا كاميو و هو تيديماري والله حتى يبوشي ليك الجعاب ديال مناخرك .
ف الطرقان ديالنا كتلقى جوج أصناف ديال الحديد ، لحديد ديال الدراوش ولحديد ديال هادوك الواعرين ، الدرويش غالبا كتلقاه سايق شي إير ديزويت تيفرق فيها الخبز ولا شي 507 تيخطف بيها لبلايص وهاد الصنف هو وكانتو ف الطريق يقدر يرحمك يقدر يضرب والديك حتى تشوف النجوم ف النهار ، أما الصنف الثاني من أصحاب الكروش والألبة الشعار ديالو هو اللارحمة وخصوصا مع قبيلة الحمير بحالي ، و يلا كانت عندك بشكليط ودزتي قدامو ولا سببتي ف التعطيل ديالو ما يخلي فيك غير اللي نساه وما تسمع منو غير " اتفو ..وسختو هاد لبلاد الحمير " هادي يلا ما نزلش و صرفقك ولا جاب ليك البوليس ، ويلا كانت الشتا طايحة والواد حامل و ضاية عوا وأم ربيع ناعسين ف الشارع فديك الساعة نصحك غير هز معاك شامبان و صابونة لحجرة حيث راك مدوش مدوش بغيتي ولا كرهتي.
ف المغريب كلشي تيعرف يسوق ، واللي ركبتي معاه تيبان ليك هو الواعر ف السوقان ، الطريق كلها وهو يفوح عليك ، ويسب اللي قدامو ، وناري يلا كنتي عاد خديتي لبيرمي ومعلق التسعين اللور كتولي محقور بيناتهم يجيو حتال حداك وينزلوا الجاج ويسبوك وما تقدرش تهدر حيث غادي يصحابيلك راهم قدام وواعرين عليك وما غادي يكون الحق إلا معاهم.
عرفتي يلا كنتي براني على شي مدينة وبغيتي تشد طاكسي يديك لشي بلاصة ما عارفهاش فين جات ، وركبتي مع مول الطاكسي وقلتيها ليه ، واخا تكون ديك لبلاصة حدا وذنيك غادي يمشي يضرب بيك دورة عاد يجيبك ليها ويحسب عليك 30 درهم ، وملي تنزل من عندو غادي يضحك ويقول " الله يجعل الغفلة بين مول الطاكسي ولحمار "
واحد العام كنت غادي مسافر لبني عمار بنواحي مدينة زرهون باش نشارك ف مسابقة ملك جمال الحمير، ومن طبيعة الحال كان خاصني نشد كار حيث المسافة بعيدة ، وحيث المحطة الطرقية بعيدة علي مشيت وقفت غير ف جنب الطريق بحالي بحال خوتي المواطنين كنتسناو الكار يدوز ، إيوا الحاصول ملي وقف وطلعنا كان صحابلي غادي نلقى بلاصة فين نجلس بحال شي حمار محترم ما كانش صحابلي غادي نمشي واقف" سيرشارج" ، المهم قلت شي باس ما كان عالله غير نوصل ، ولكن الاهانة ما وقفتش عند هاد الحد حيث ملي قربنا نوصلو لنقطة تفتيش الجدارمية بدا الكريسون تيغوت علينا وطلب منا نهبطو ريوسنا ونجلسو ف الارض حتى يدوز الكار من "الباراج" ، إيوا زوينة هادي نخلص بلاصتي ونمشي مدلول بحال شي شفار ، وملي نهقت على حقي قالو لي يلا ما عجبك حال نهبطو والديك سير شد طاكسي كورصة.
إيوا شتو على حكرة لقاوني حمار و بغاو يركبو عليَ..أما كون كان شي نمر كو را ناض الشيفور وعطاه بلاصتو ، ولكن هدا هو المغريب ..الدنيا بلوجوه والاخرة بالزراوط..

حمار كوم ف الإدارة المغربية

أن تضطرك ظروفك للذهاب إلى إدارة مغربية فتلك لعمري معاناة أكفس من جر عربة مليئة بصناديق القوق والخرشوف من سوق الجملة إلى غاية حانوت الخضار سي البهلول ، واخا تكون باغي غير عقد إزدياد يحمقوك عليه قبل ما تاخذو ، دخل هنا. .خرج من هنا ..سير لهيه ، تسنا يجي مول الستيلو و السْـنية ، أرا هاد الورقة، سير جيب لخرى ، والجميل أنه في إدراتنا تصادفك طرائف ومستملحات غريبة لا يمكن أن تصادفها سوى ف المغريب ، بحال مثلا آخر مرة مشيت للمقاطعة نجيب شي ورقة ومنين دخلت مشيت عند المصلحة المعنية ولقيت الموظفين مريحين مع راسهم شي شاد جورنان ، شي تيقشب مع صاحبو ، وحدة كتنصب الكاميلة ديالها ، وملّي طلبت منهم باش يقضيو لي غراضي قالو لي اسي لحمار را حنا دايريين إضراب ليوم وغدا واخا شفتينا هنا ، وَ سير بدل ساعة بأخرى ، إيوا شتو على إضراب هاذي هي ديال هداك اللي قاليه " أجيني لابس عريان و حْضرني و أنت غايب " ، ومن غير هادي كاينة واحد الورقة ما كاينة حتى شي بلاد من بلاد العباد كتطلبها من غير بلادنا وهي شهادة الحياة الفردية والجماعية ، كتجيبها من المقاطعة وواخا تمشي ليها برجليك وتوقف قدامهم بكمارتك وكتافك لعراض غادي يقولو ليك سير أسي لحمار جيب الشهود باش نعرفوك ونتأكدوا راك حي و عاد نصايبو ليك شهادة الحياة ، أما إذا متي فعلاً كيطلبو لولادك بالاضافة لوثائق أخرى عند التصريح بالوفاة الإدلاء ببطاقة الناخب ديالك ، بصراحة ما عرفتش علاش !؟ ، واخا النص ديال لمغاربة ما مقيدينش ف الانتاخبات وما كيصوتوش أصلا من غير يلا مات شي حمار بحالي .

إيو الحاصول يلا كنتي زربان وباغي مصالحك تقضى بالزربة خاصك تدير قصبة و فراسها علام قرفي و لا زرقي وجيب معاك لابانضة و لا الدقة المراكشية و الهدية نجرها ليك أنا ف الكاروصة ديالي كادو من عندي ، وديك الساعة كلشي يولي ضاحك ف وجهك و حاجتك مقضية ، أما إذا كنتي زربان وجيبك مثقوب فعليك بصبر الحمير ما دامت ليست لديك قوة الخيول أسي أغيول.